“30 әңгіме оқу” тақырыбында іс-шара өткізілді.

13.11.2021 күні Шымкент қаласы Білім басқармасына қарасты Б.Садықов атындағы No 112 жалпы орта мектебі ҚАЗАҚСТАН РЕСПУБЛИКАСЫ Тәуелсіздігінің 30 жылдығына орай “30 әңгіме оқу” тақырыбында іс-шара өткізілді. Мақсаты: Оқу мәдениетін дамыту және рухани мұраларды насихаттау.
     “30 әңгіме оқу”  іс-шарасы мектеп кітапханашысы Лобар Кадиркулованың басшылығымен ұйымдастырылды. Іс-шарада жас оқырмандар халық ауыз әдебиеті үлгілерін, А. Құнанбаевтың қара сөздерін, І. Жансүгіровтің поэмаларын, өзбек тілінің негізін қалаған сөз шебері А. Науаидің дастандарын тәрбиелік мәні жағынан сөз етіп, талқыға салды. Кітап оқуды жаны сүйетін жас оқырмандар қатарынан 8-9 сынып оқушылары Аманшикова Лайло, Султаниязова Ширин, Икрамшикова Нодир, Шадикулова Лайло белсенділік танытып, озық ойларын білдірді.
   Соңында, директордың оқу-ісі жөніндегі орынбасары Зилола Юлдашева сөз сөйлеп, іс-шараға қатысқан оқушыларға алғысын білдірді.