“ТЕАТР ЖӘНЕ БАЛАЛАР”

“ТЕАТР ЖӘНЕ БАЛАЛАР”

16.04.2022 күні Шымкент қаласы Білім басқармасына қарасты Б.Садықов атындағы No 112 жалпы орта мектебінде жасөспірім қыздардың тәлім-тәрбиесін назарда ұстап, дұрыс киінудің әдебі мен мәдениетін дағдыландыру мақсатымен “ТЕАТР ЖӘНЕ БАЛАЛАР” жобасы аясында “ҚЫЗДАР КЕҢЕСІ” ұйымы мүшелерімен “Сымбат, талғам, стиль, сән үлгісі, кескін-келбет тәрбиесі” тақырыбында дөңгелек үстел өткізілді. 

   Дөңгелек үстелге мектеп директоры Ш.Турсынбаева, ДТІЖО Г. Эрметова және біршама ата-аналар мен ұстаздар қатысты. Ашық сөз алаңында “Қазіргі сән үлгісінде қандай киімдер трендте?”, “Адамды киген киіміне қарап сыйлау дұрыс па?”, “Ата-анамен киім таңдауда талғамың сәйкес келе ме?” сынды сұрақтар қозғалып, оқушылар мен ата-аналар өз көзқарастарын еркін білдіріп отырды. 

   14-15 жастағы  бой түзеп келе жатқан қыздар үшін маңызы бар мәселелер “мода” тақырыбы және тазалық, бояну, шаш үлгісі, тәрбие түгелдей қамтылып, дұрыс бағыттағы шешімдермен түйінделіп отырды. Соңында, зейінді оқушыларымыз өз алғыстарын білдіріп, маңызды ақпараттар ала білгенін айтып өтті.