«ҮЗДІК ПЕДАГОГ - 2022»

«ҮЗДІК ПЕДАГОГ - 2022»

30.04.2022ж Шымкент қаласы Білім басқармасына қарасты Б.Садықов атындағы No 112 жалпы орта мектебінде ұстаздардың кәсіби беделін көтеру, шығармашыл педагогтарды қолдау мақсатында мектепішілік «ҮЗДІК ПЕДАГОГ - 2022» байқауы өткізілді.

  Сайыс 29,30-сәуір күндерге жоспарланған. Барлығы 7 бөлімнен тұратын байқауда бес мұғалім өзара бақ сынасты.

  Жоспарға сәйкес алғашқы күні қатысушылар шектелген уақытта видео сабақ дайындап, педагогика-психология бойынша тест тапсырды.

   Сайыстың екінші күнінде “Таныстыру”, “Ситуациялық сұрақ”, “Менің сабағым”, “Өнер көрсету”, "Эссе" кезеңдері іс-шара ретінде өткізілді. Мектеп ұстаздары көрермен болып, ұстаздарға барынша қолдау білдіріп отырды. 

    Барлық кезеңде ерекше көзге түсіп, жүзден жүйрік, мыңнан тұлпар танылып, бас жүлдені математика пәні мұғалімі Джумабаева Зилола иеленді. 

   Барлық сайысқа қатысқан ұстаздарымызға зор еңбектері үшін, өздерінің білікті де білімді ұстаз ретінде көрсеткені үшін алғыс білдіреміз. 

    Сайысты ұйымдастырушы мектеп әкімшілігі мен ДОІЖО Юлдашева Зилолаға үлкен рақмет айтқымыз келеді!