"ТІЛІМ БАРДА-МЕН БАРМЫН"

"ТІЛІМ БАРДА-МЕН БАРМЫН"

Шымкент қаласы Білім басқармасына қарасты Б.Садықов атындағы №112 жалпы орта мектепте 5 қыркүйек  күні тілдер мерекесіне орай “Тілім барда - мен бармын” атты тақырыпта мерекелік іс-шара өтті.  

Тіл – ұлттық құжатымыз, тіл – кісілік келбетіміз. Тәуелсіздікті айрандай ұйытып отырған – мемлекеттік тіл. Саяси тұрақтылықтың да негізгі кілті – тілде жатыр. Тілдер мерекесі құтты болсын!!!

Кештің мақсаты: Мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, өзге ұлт өкілдері арасында қазақ тілін білу деңгейін көтеру және оқып үйренуге деген ықыласы мен қызығушылығын арттыру. Патриоттық  сезімін  оятып, тілін, Отанын, елін, жерін сүюге, салт — дәстүрін, тарихын құрметтеуге тәрбиелеу.  Ана тілінің қадір-қасиетіне, болашағына қамқор болып, өз үлесімізді қосу.

Ахмет Байтұрсыновтың шығармаларын насихаттай отырып, өнегелі тәрбие беру. 

Мерекелік іс-шараны ұйымдастырған тілдер бірлестігі. Іс-шарада А. Байтұрсынұлының 150 жылдығына орай сахналық көрініс қойылды.  Ахмет Байтұрсынов туралы тың мәліметтер берілді. Мектеп оқушылары 4 тілде өлең оқыды. Бастауыш сынып оқушылары қазақ, орыс, өзбек билерін билеп, көрермендерді таң қалдырды. Ағылшын тілі бірлестігінің мұғалімдері ағылшын тілінде викториналық ойын ойнатты.  5-9 сыныптың оқушылары 3 тілде ән  шырқап, таңдай қақтырды. 

Бұл кеш оқушыларды біраз серпілтіп, тың мағлұматтармен таныстырды. Кеш жоғарғы деңгейде өтті.