ШҰҒЫЛАЛЫ КӨКТЕМНІҢ АЛҒАШҚЫ МЕРЕКЕСІ - АЛҒЫС АЙТУ КҮНІ

ШҰҒЫЛАЛЫ КӨКТЕМНІҢ АЛҒАШҚЫ МЕРЕКЕСІ - АЛҒЫС АЙТУ КҮНІ

  2016 жылы 14 қаңтарда ҚР Тұңғыш Президенті - Елбасы Нұрсұлтан Назарбаев 1 наурыз - Алғыс айту күні деп жарияланғаны туралы жарлыққа қол қойды.

  Тағдырдың тәлкегімен елімізге қоныс аударған түрлі этнос өкілдерін қазақ халқы құшақ жая қарсы алып, ауыртпалық атаулыны бірге көтерді. Бұл күн - қиын-қыстау кезеңдерде қуаныш-қайғыны бөлісіп, пана бола білген қазақ халқына өзге ұлт өкілдерінің алғыс айтатын күні.

  Аталмыш мереке қарсаңында ұлттық мектеп ретінде белсенді оқушыларымыз бен жас мамандар іс-шара ұйымдастырды. Әсем ән мен шуақты билер сахнаның сәні болса, "Жауқазын" театрының өнерпаздары интермедия қойды. "Жас мамандар" әні шырқалып, соңы мектеп басшысы Турсынбаева Шакизат Тешебаевнаның құттықтау сөзімен аяқталды. 

   Алғыс айту - жүрекке жылу сыйлайтын керемет қасиет, қарапайым адамгершілік парыз. Алғыс айта білген адам алғыс арқалай алады. Сондықтан күн сайын, тіпті сағат сайын әртүрлі себептерге байланысты бір-бірімізге алғыс айтқанымыз артық болмас. Барша отандастарымызға. шынайы ниетпен алғыс білдіреміз!