“Ауыр жүк – атаңды, ауыр іс – адамды сынайды”

 “Ауыр жүк – атаңды, ауыр іс – адамды сынайды”

Шымкент Қаласының Білім Басқармасы қарасты Б.Садықов атындағы №112 жалпы орта білім беретін мектебінде 2025 жылдың 5 ақпан күні 5 “А” сынып ата-аналарының жиналысы өтті. Жиналысты Н. Шамұрат жүргізді. Бұл кездесу Педагогикалық қолдау орталығының жұмысы аясында ұйымдастырылып, балалардың психологиялық, әлеуметтік және академиялық дамуына ата-ананың қолдауының маңыздылығына арналды.

 Бала тәрбиесінде ата-ананың рөлі ерекше!

Кездесу барысында ата-аналар мен мұғалімдер баланың оқу үлгерімі, тәртібі, психологиялық ахуалы және жан-жақты дамуы жайлы пікір алмасты.

 Жиналыстың негізгі тақырыптары:

 Отбасылық құндылықтар мен бала тәрбиесіндегі ата-ананың жауапкершілігі;

 Баланың эмоционалды жағдайын дұрыс түсіну және қолдау көрсету;

 Қарым-қатынас мәдениеті – ата-ана мен бала арасындағы сенімді байланыс;

 Оқу үлгерімі және өзін-өзі дамыту жолдары;

 Киберқауіпсіздік және әлеуметтік желілердің бала психикасына әсері.

 Кездесу барысында ата-аналар өз тәжірибелерімен бөлісіп, балаларды қолдау жолдарын талқылады.

 Нәтиже:

 Ата-аналар бала тәрбиесінде жан-жақты қолдау мен түсіністік қажет екенін ерекше атап өтті;

 Оқушының дамуына мектеп пен отбасының ынтымақтастығы үлкен ықпал ететінін тағы бір рет мойындады;

 Балаларға қиындықтарды жеңу жолдарын үйретіп, оларды дұрыс бағытқа салу – әр ата-ананың міндеті деген тұжырым жасалды.

 Осындай кездесулер ата-ана мен мектеп арасындағы байланысты нығайтып, ортақ мақсатқа жетуге көмектеседі. Балаларымыздың болашағы – біздің басты байлығымыз!