ҚАЗАҚСТАН РЕСПУБЛИКАСЫ Тәуелсіздігінің 30 жылдығын мерекелеуге арналған “ЖҰЛДЫЗДЫ 30 КҮН” мерекелік іс-шараның бағдарламасы бойынша “АРДАГЕР ҰСТАЗДАРМЕН КЕЗДЕСУ” кеші өтті.

18.11.2021 күні Шымкент қаласы Білім басқармасына қарасты Б.Садықов атындағы №112 жалпы орта мектебі ҚАЗАҚСТАН РЕСПУБЛИКАСЫ Тәуелсіздігінің 30 жылдығын мерекелеуге арналған “ЖҰЛДЫЗДЫ 30 КҮН”  мерекелік іс-шараның бағдарламасы бойынша “АРДАГЕР ҰСТАЗДАРМЕН КЕЗДЕСУ” кеші өтті. Мақсаты: Ерен еңбектерімен ел есінде қалған жерлестер есімін келешек ұрпаққа насихаттау және ардагерлеріміздің жолын үлгі ету арқылы оқушыларымыздың жан-жақты құндылықтарын қалыптастыру.
    Кеш қонақтары “ТҮРКІСТАН ОБЛЫСТЫҚ БІЛІМ САЛАСЫНЫҢ АРДАГЕРЛЕР КЕҢЕСІ” қоғамдық бірлестігінің төрағасы, ардагер Байғұтов Нышан Тасболатұлы мен Сайрам ауданының құрметті азаматы, мектебімізде 27 жыл директорлық қызметті атқарған ардагер Ярметов Сұлтанияз Тойчибайұлы болды. Тағылымы мол кеште 7-10 сынып аралығындағы оқушылар белсенді қатысып, ардагерлерімізге “тәуелсіздік, ұстаздық” тақырыбындағы сұрақтарын қойды. Кеш басында ардагерлеріміздің өмір жолдарына арналған қысқаша бейнематериал көрсетілді. Сыр-сұхбатқа мектеп директоры Ш.Т.Турсынбаева мен ұстаздар да қатысты. Әсерлі  эстетикаға толы әңгімелер айтылып, 6-сынып оқушылары “Тәуелсіз ел ұланымыз” атты патриоттық ән шырқады. 
   Соңында мектеп директоры Ш.Т.Турсынбаева сөз сөйлеп, ардагерлерімізге алғыс айтты.