Қыз инабаттылығымен әдемі

Қыз инабаттылығымен әдемі

Шымкент Қаласының Білім Басқармасы қарасты Жүз Он Екінші Мектебі Даналық мектебінің жобасы аясында “Заң және тәртіп” айлық іс-шарасының жоспарына сәйкес, 2025 жылдың 11 ақпан күні мектебімізде ерекше жиын өтті. Бұл басқосу “Қыз инабаттылығымен әдемі” тақырыбында ұйымдастырылып, оған мектебіміздің қыздары, сондай-ақ өнегелі өмірімен үлгі болып жүрген әжелер мен жеңгелер арнайы шақырылды.

Кездесу барысында қазақ қыздарының инабаттылығы, сыпайылығы мен тәрбиесі, отбасылық құндылықтар, үлкенге құрмет, кішіге ізет көрсету сынды ұлттық тәрбие мәселелері талқыланды. Жиын барысында әжелер мен жеңгелер өмірлік тәжірибелерімен бөлісіп, қыздарға адамгершілік, әдептілік, ибалық жайында өнегелі әңгімелер айтып, ақ баталарын берді.

Бұл шара қыздардың бойында әдептілік пен инабаттылықтың, ұлттық құндылықтарға деген құрметтің артуына зор ықпал етті. Осындай мәні терең, тағылымы мол кездесулер алдағы уақытта да жалғасын табады!