ОҚЫТУДА ИННОВАЦИЯЛЫҚ ТЕХНОЛОГИЯЛАРДЫ ПАЙДАЛАНУ – САПАЛЫ БІЛІМ НЕГІЗІ

ОҚЫТУДА ИННОВАЦИЯЛЫҚ ТЕХНОЛОГИЯЛАРДЫ ПАЙДАЛАНУ – САПАЛЫ БІЛІМ НЕГІЗІ

       Шымкент  қаласы Әдістемелік орталығының  қолдауымен білім басқармасына қарасты  Б.Садықов атындағы №112 жалпы орта білім беретін   мектеп базасында «Оқытуда инновациялық технологияларды пайдалану – сапалы білім негізі» тақырыбында қалалық семинар ұйымдастырылды.

       Семинардың мақсаты:Оқытуда инновациялық технологияларды жан-жақты қолдану арқылы оқушының жеке тұлға ретінде дамуын қамтамасыз ету, түрлі әдістемелерді пайдаланудың озық тәжірибелерін насихаттау, оларды жетілдіру туралы пікір алмасу, одан әрі жетілдірудің жаңа мүмкіндіктерін анықтау.

        Семинардың міндеттері:

1. Талабы таудай жеке тұлғаны іздеп табу жолдарын қарастыру, оларды өсіру, әр оқушының қабілетін танып білу

2. Мектепте білім берудің инновациялық технологиялары мен әдістемелерін тиімді пайдалану туралы пікір алмасу

3. Мектепте білім берудің жаңа мүмкіндіктерін іздену, әртүрлі деңгейдегі білім беру ұйымдары (мектептер, жоғары оқу орындары, педагог кадрлардың біліктілігін арттыру институттары мен педагогикалық шеберлік орталықтары) ынтымақтастығының жаңа тетіктерін анықтау.

           Тренинг-коучингке өзге білім ошақтарының жас мамандары қатысты. Олар электронды ресурстарды пайдалану жолдарын үйреніп, көптеген тиімді әдіс-тәсілдерді меңгеріп, міндетті практика жүзінде өз сабағымызда қолданатын боламыз деген пікір білдірді. Жас мамандар үшін коучинг, тренинг сабақтар өте қызықты, әрі пайдалы болды. 

        Аталған шараға жалпы білім беретін мектептердің басшылары мен педагог қызметкерлері, білім беруді басқару органдары мен қоғамдық ұйымдар, БАҚ өкілдері қатысты.

        Семинар соңында «Қоғамдық-гуманитарлық пәндер» бөлімінің әдіскері Жарқынай Арысбаева сөз алып, барлық мұғалімдер өте жақсы деңгейде сабақ өткенін айтып, №112 жоббм ұжымына алғыс білдіріп, коучинг өткізген мұғалімдерді мадақтамамен марапаттады.