«Мектеп – кеме, Білім – теңіз. Білімнің іргетасы – бастауыш мектеп» онкүндігінің қорытындысы

«Мектеп – кеме, Білім – теңіз. Білімнің іргетасы – бастауыш мектеп» онкүндігінің қорытындысы

Шымкент Қаласының Білім Басқармасы қарасты Жүз Он Екінші Мектебі 11.11-22.11.2024 жыл аралығындағы бастауыш сынып оқушыларының білімге деген қызығушылығын арттыру және шығармашылық қабілеттерін дамыту мақсатында ұйымдастырылған «Мектеп – кеме, Білім – теңіз. Білімнің іргетасы – бастауыш мектеп» атты онкүндік сәтті аяқталды.

Бұл іс-шара оқушылардың білімге, өнерге және адамгершілікке бағытталған құндылықтарын дамытуға арналды. Апталық барысында ашық сабақтар, түрлі сайыстар, көңілді үзілістер және шығармашылық шеберханалар ұйымдастырылды. Оқушылар білімдерін өмірде қолдану жолдарын үйреніп, ұжымдық және жеке жауапкершілікті сезіне білді.

Қорытынды кештің басты сәттері:

 Мектеп директоры Шакизат Тұрсынбаева оқушылар мен ұстаздарды апталықтың сәтті өтуімен құттықтап, бастауыш білімнің маңыздылығын атап өтті.

 4-«А» сынып оқушысы әсерлі ән орындады.

 4-«В» сынып оқушыларының биі кешке ерекше көрік берді.

 Апталыққа белсенді қатысқан оқушылар мен ұстаздар мақтау қағаздарымен марапатталды.

 3-4 сынып оқушылары орындаған хор шығармашылық рух сыйлады.

Іс-шара соңында жүргізушілер эстафетаны тарихшылар онкүндігіне салтанатты түрде табыстады.

Бұл апталық оқушылардың білімге құштарлығын арттырып қана қоймай, олардың шығармашылық қабілеттерін, өмірге қажетті дағдыларын дамытуға үлкен үлес қосты. Ұйымдастырушыларға және белсенді қатысқан барша оқушыларға алғыс білдіреміз!