“Жасанды интеллект: Прогресс пе, қауіп пе?”

 “Жасанды интеллект: Прогресс пе, қауіп пе?”

Шымкент Қаласының Білім Басқармасы қарасты Б.Садықов атындағы №112 жалпы орта білім беретін мектебінде 2025 жылдың 30 январьында “Жасанды интеллекттің өміріміздегі орны” тақырыбында пікірсайыс (дебат) өтті. Бұл шара 27 январь – 7 февраль аралығында ұйымдастырылған “Үйірменің шығармашылық жұмыстарын ұйымдастыруда кәсіби білім мен жаңа инновацияны басшылыққа алу” тақырыбындағы онкүндік жоспарына сәйкес жүзеге асырылды.

 Дебатты жетекші Н. Шамұрат жүргізді.

 Пікірсайыстың басты мақсаты:

 Оқушылардың сыни ойлау қабілетін дамыту;

 Жасанды интеллекттің (ЖИ) артықшылықтары мен кемшіліктерін сараптау;

 Ғылым мен технологияның дамуын этикалық және әлеуметтік тұрғыдан талдау;

 Командалық жұмыс пен шешендік қабілетті шыңдау.

 Талқыланған негізгі мәселелер:

 ЖИ – адамзат өмірін жеңілдететін прогресс пе, әлде қауіп пе?

 Білім беру мен медицина саласындағы жасанды интеллекттің рөлі;

 ЖИ адамның жұмыс орнын баса ала ма?

 Болашақта технологияға тәуелділік қандай қауіп төндіруі мүмкін?

 Нәтиже:

 Қатысушылар екі жақты пікірді жан-жақты зерттеп, өз ұстанымдарын дәлелді түрде қорғады.

 Оқушылар жаңа білім алып қана қоймай, зерттеушілік, логикалық ойлау және дәлелді сөйлеу қабілеттерін дамытты.

 Дебат соңында ЖИ-дің пайдалы тұстары көп болғанымен, оны адамгершілік пен жауапкершілік аясында дамыту маңызды деген қорытынды жасалды.

 Осындай пікірсайыстар оқушылардың дүниетанымын кеңейтіп, өз ойын ашық әрі сауатты жеткізуге ықпал етеді. Білім мен инновация қатар жүруі тиіс!