“Құрақ құрау – ұлттық өнердің көрінісі!

 “Құрақ құрау – ұлттық өнердің көрінісі!

Шымкент Қаласының Білім Басқармасы қарасты Б.Садықов атындағы №112 жалпы орта білім беретін мектебінде 2025 жылдың 4 ақпан күні “Шебер қолдар” үйірмесі аясында “Құрақ құрау өнері” тақырыбында Мавлуда Шамшиметова шеберлік сабақ өтті. Бұл іс-шара 27 қаңтар – 7 ақпан аралығында өтетін “Үйірменің шығармашылық жұмыстарын ұйымдастыруда кәсіби білім мен жаңа инновацияны басшылыққа алу” тақырыбындағы қосымша білім беру педагогтары мен үйірме жетекшілеріне арналған онкүндік жоспарына сәйкес ұйымдастырылды.

Құрақ – тек сәндік қолөнер емес, ол шыдамдылықты, ұқыптылықты, ұлттық дәстүрді ұрпақтан-ұрпаққа жеткізудің маңызды құралы. Оқушылар шеберлік сабағы барысында құрақтың түрлерімен танысып, өз қолдарымен түрлі өрнектер жасап көрді.

 Іс-шараның негізгі мақсаты:

 Оқушыларды қазақтың дәстүрлі қолөнеріне баулу;

 Шығармашылық қабілеттерін дамыту, ұсақ моториканы жетілдіру;

 Экологиялық сананы қалыптастыру – артық қалған маталарды қайта өңдеу арқылы әдемі бұйымдар жасау;

 Шыдамдылық пен дәлдікке үйрету.

 Сабақ барысында оқушылар:

 Құрақтың түрлері мен мағынасын зерттеді;

 Түрлі-түсті маталардан құрақ үлгілерін жасап үйренді;

 Дәстүр мен заманауи стильді үйлестіру жолдарын қарастырды.

 Нәтиже:

Бұл шеберлік сабағы оқушылар үшін тек үйрену процесі ғана емес, өз қолымен жасаған өнер туындысына деген мақтаныш сезімін оятқан ерекше тәжірибе болды. Ұлттық құндылықтар мен заманауи шығармашылықтың үйлесімі – жас ұрпақтың рухани дамуының кепілі!

 Осы секілді үйірме жұмыстары оқушылардың өнерге, ұлттық мәдениетке деген қызығушылығын арттырып, шығармашылық әлеуетін дамытады.