11.12.2021ж ашық спорт алаңының ашылуы салтанатты түрде өтті.

11.12.2021ж Шымкент қаласы Білім басқармасына қарасты Б.Садықов атындағы №112 жалпы орта мектебінің жанынан Тәуелсіздіктің 30 жылдығы және Қажымұқан Мұңайтпасовтың 150 жылдығы қарсаңында өсіп келе жатқан өскелең ұрпақтың бос уақытын тиімді пайдалану әрі салауатты өмір салтын ұстау мақсатында ашық спорт алаңының ашылуы салтанатты түрде өтті.
    Ашық спорт алаңының ашылу лентасын қонақтар мен мектеп директоры Турсынбаева Шакизат Тешебаевна салтанатты түрде қиып, ашты. Мерекелік іс-шарада 2017 жылғы бокстан әлем чемпионы Ералиев Қайрат, ауданымыздың құрметті азаматы Ярметов Сұлтанияз Тойчибаев, “Қамқоршылық” кеңесінің төрағасы Ашурметов Ғайратжан, ауыл кеңесінің биі Сатвалдиев Бабанезар, ата-аналар комитетінің төрағасы Шамшиметов Шухрат, спорт саласының ұлағатты ұстазы Тажибаев Ибрагимжан құрметті қонақ ретінде ақ тілектерін білдірді. 
    Мектеп оқушылары спорттық воллейбол, футбол, баскетболдан өнерлерін көрсетіп, фанклуб мүшелері флешмоб, мың бұралған қыздарымыз “Қазақ” биін биледі. 
    Сайрам ауданындағы спорт мектебінің спортшылары келіп бокстан өнер көрсетті.
   Іс-шара соңы ұстаздар мен оқушылардың орындауында “Чемпиондар” әнімен аяқталды. Барлық медициналық сақтық шаралары қолданыла отырып өткізілді.
    Мемлекеттік және жергілікті қорлардан бөлінген қаражатқа салынған ашық спорт алаңы оқушыларымызды қатты қуантты. Оқушыларымыздың спорттық жетістіктері біз үшін - мақтаныш!