12
қыркүйек
2022
ОТБАСЫ-БАҚЫТ МЕКЕНІ
ОТБАСЫ-БАҚЫТ МЕКЕНІ
Шымкент қаласы Білім басқармасына қарасты Б.Садықов атындағы №112 жалпы орта мектепте “Отбасы күні” мерекесі аталып өтті.
Ел Президентi мемлекет - отбасыдан басталатынын және бiздiң қоғамда негiзгi отбасылық құндылықтарды нығайтудың маңыздылығына ерекше назар аударып отырғандығын атап өтуіміз керек. Отбасы күнін Мемлекет басшысының Жарлығымен қыркүйек айының екiншi жексенбiсiнде аталып өтiледi, яғн 11 қыркүйекке сәйкес келеді.
Отбасы-адамзат баласының дүниеге шыр етіп келгенде, есігін айқара ашып енетін үйі, өсіп, тәрбие алатын аса қажетті, әрі қасиетті алтын бесігі. Қай заманда, қай елде болмаса да отбасының адамзат ұрпағына ықпал мен әсерін өмірдегі басқа еш нәрсені еш нәрсенің күшімен салыстыруға болмайды.
Отбасының ең маңызды қызметтерінің бірі – тәрбиелеушілік міндеті, оны қоғамдық тәрбиенің ең тиімді деген жүйесі де алмастыра алмайды. Оның негізгісі – баланы өмірге келтіру ғана емес, сонымен бірге оған әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңірту, яғни балаларын өздерін қоршаған ортаға және қоғамға пайдалы азамат етіп өсіру әке-шешенің ең маңызды міндеті.
Біздің мектепте отбасы күніне арнап барлық сыныптар "Отбасы-бақыт мекені"тақырыбында бейнероликтер дайындады.Бастауыш сыныптарда сынып сағаттары және сурет байқауы өткізілді. Отбасы күнін өткізудеге тойлаудағы мақсат - бала үшін отбасының маңыздылығын арттырып, мейірім беру, отбасы құндылықтарын бала бойына дарыту.
