Оқушыларға есірткінің алып барар жолы қандай екені туралы арнайы бейнебаян көрсетілді.

Шымкент қаласы Білім басқармасына қарасты Б.Садықов атындағы №112 жалпы орта мектепте ағымдағы жылдың 20-сы күні  Шымкент қалалық прокуратурасы мен білім басқармасының тапсырысы бойынша оқушыларға есірткінің алып барар жолы қандай екені туралы арнайы бейнебаян көрсетілді. Оқушыларымыз бейнебаян арқылы есірткінің өзіңе де, өзгеге де зиян әкелетіні туралы, бақытты күндерінің қараңғы күндерге айналатынын,есірткісіз өмірдің ғажап екендігін ұғынды.Сонымен қатар бейнебаянды аяқтап өздерінің пікірлерін ортаға салды. Есірткіге ешқашан жоламайтындықтарын, ол арқылы жарқын болашақтарын құрдымға кетіргісі келмейтіндерін баяндады.