26
сәуір
2023
"АНА ТІЛІ ЖӘНЕ ОТБАСЫ —2023" ҚАЛАЛЫҚ БАЙҚАУЫ!!!
"АНА ТІЛІ ЖӘНЕ ОТБАСЫ —2023" ҚАЛАЛЫҚ БАЙҚАУЫ!!!
Тілдерді оқыту-әдістемелік орталығы мен Шымкент қаласы Білім басқармасының Әдістемелік орталығы Қазақстан Республикасында тіл саясатын іске асырудың 2020-2025 жылдарға арналған мемлекеттік бағдарламасын жүзеге асыру және 2023 жылға арналған жұмыс жоспарын іске асыру мақсатында білім беру мекемелері арасында «Ана тілі және отбасы – 2023» байқауын 2023 жылғы 24-28 сәуір аралығында ұйымдастырып өткізуде. Осы жоспар негізінде 26 сәуір күні Б.Садықов атындағы N°112 ЖОББМ-те байқау болып өтті. Байқау қазақ тілі және әдебиеті пәні мұғалімдері басшылығында дайындалды.
Байқауда оқушылар мен мұғалімдер өз өнерлерін, актерлік шеберліктерін, қаймағы бұзылмаған Оңтүстік өлкесінің ұмыт болған салт-дәстүрін жоғары деңгейде көрсетті. Әрбір жасалған іс-әрекет, қойылым реті қазақ халқының дана халық екенін айқындап, көрсетелді. Айтылған мақал-мәтел, оқылған поэзия, қазақтың тамаша әні бәрі-бәрі оқушылардың өз елін, жерін сүйетінін байқатты.
Әділ-қазылар алқасы әрбір жерге ілінген бойтұмардан көріп, құлақ-құрышын қандыратын күйді тыңдап, өтілген байқау өте жоғары деңгейде өткенін айтып, байқауға қатысқан әрбір қатысушыға алғыс білдірді.
Байқаудың мақсаты: еліміздегі әрбір отбасын, қоғамымыздың әрбір мүшесін қазақ тілінің мерейлі мәртебесін қамтамасыз етуге, жан-жақты оқып үйренуге және қолдануға, қазақстандық патриотизм ұғымын терең түсіне отырып, ұлттық тілімізді рухани қуат, жасампаздық үрдіс, мемлекетіміздің келешегі, еліміздің ертеңі ретінде жұмылдыру, қазақтың салт-дәстүрі мен әдет-ғұрпын жас ұрпаққа үйретіп, мемлекеттік тілде сөйлеуді ұлттық мақтанышқа айналдыру, озық тәжірибелерді насихаттау.





