31
тамыз
2023
ҚР ОҚУ-АҒАРТУ МИНИСТРІ ҒАНИ БЕЙСЕМБАЕВ ҚАЗАҚСТАНДЫҚТАРДЫ БІЛІМ КҮНІМЕН ҚҰТТЫҚТАДЫ
ҚР ОҚУ-АҒАРТУ МИНИСТРІ ҒАНИ БЕЙСЕМБАЕВ ҚАЗАҚСТАНДЫҚТАРДЫ БІЛІМ КҮНІМЕН ҚҰТТЫҚТАДЫ
«Құрметті әріптестер!
Қадірлі ұстаздар, оқушылар, ата-аналар!
Сіздерді бүгінгі Білім күнімен және жаңа оқу жылының басталуымен құттықтаймын! Білімнің жаңа көкжиегін игеруге, тың ізденістер мен жаһандық мақсаттарға ұмтылған үш миллионнан астам жас өреннің алдында жаңа мүмкіндіктер ашылмақ.


Бүгін сіздердің өмірлеріңіздегі ең қызықты әрі маңызды күн. Алғашқы қоңыраудың сылдырымен таңғажайып білім әлеміне саяхатты бастайсыздар. Биыл 366 мың бүлдіршін мектеп табылдырығын аттап, бірінші сыныпқа барады. Ал, 11 сыныптағы 188 мың оқушы үшін бұл алтын ұяның қабырғасындағы соңғы жыл.
Бүгінгі күннің ата-аналар үшін де маңызы ерекше. Перзентін мектепке дайындап, қобалжитын сәт. Әркім өзінің оқушы болған кездерін сағынышпен еске алатын күн.

Біздің мұғалімдер үшін бұл күн сүйікті жұмысына оралатын, шәкірттерімен қауышатын күн. Осы айдан бастап мектепке дейінгі білім беру ұйымдарындағы 100 мыңға жуық педагогтің жалақысы 30% - ға, ал колледж студенттерінің стипендиясы 50% - ға өседі.

Жаңа оқу жылы әрқайсыңыз үшін қызықты әрі пайдалы болсын! Сіздердің барлық бастамаларыңызға сәттілік, отбасыларыңызға амандық, дендеріңізге саулық тілеймін! Білім күні құтты болсын!»
https://www.facebook.com/100033431800702/videos/1238243463428471