18.11.2024 жыл күні 2-“Б” және 2-“В” сынып оқушылары “Шалқан” ертегісін өзбек тілінде сахналады

Шымкент Қаласының Білім Басқармасы қарасты Жүз Он Екінші Мектебі  Біртұтас тәрбие бағдарламасына негізделген “Шабыт” жобасы аясында 18.11.2024 жыл күні 2-“Б” және 2-“В” сынып оқушылары “Шалқан” ертегісін өзбек тілінде сахналады.

Бастауыш сынып онкүндігінің аясында 2-“Б” және 2-“В” сыныптарының оқушылары көрермендерге өзбек тілінде “Шалқан” ертегісінің әсерлі қойылымын ұсынды. Іс-шараны сынып жетекшілері Худайберганова Насиба Бахтияровна мен Мирхайдарова Бахтихон ұйымдастырып, балалардың шығармашылық қабілеттерін  ашуға мүмкіндік жасады.

Ертегі кейіпкерлерінің бейнесін сомдаған оқушылар көрермендерді өздерінің шынайылығымен, өнерге деген сүйіспеншілігімен және сахнадағы еркін әрекеттерімен қуантты. Ана тілінде сахналанған бұл қойылым тек көркемдік әсер қалдырып қана қоймай, оқушыларды бірлікке, ұйымшылдыққа және ұлттық құндылықтарды құрметтеуге баулыды.

Іс-шара оқушылардың өзбек тілін меңгеру деңгейін нығайтып, шығармашылық қабілеттерін арттырып, достық пен бірлестіктің маңызын терең түсіндіруге ықпал етті. Мектеп өмірінде осындай рухани және тәрбиелік мәні зор іс-шаралардың ұйымдастырылуы балалардың жан-жақты дамуына үлес қосатыны сөзсіз.