14
мамыр
2022
«ЕР ЕСІМІ -ЕЛ ЕСІНДЕ»
«ЕР ЕСІМІ -ЕЛ ЕСІНДЕ»
14.05.2022ж Шымкент қаласы Білім басқармасына қарасты Б.Садықов атындағы No 112 жалпы орта мектебінде жас ұрпақтың Отан тарихына деген сүйіспеншілігін арттыру, жеңіс салтанатын көре алмай кеткен боздақтарымыздың ерлік істеріне тағзым етуге үйрету, ұлттар достығын нығайту мақсатында “9 мамыр - Жеңіс күніне” орай «ЕР ЕСІМІ -ЕЛ ЕСІНДЕ» атты Ұлы Отан соғысының ардагері, Кеңес одағының батыры әрі мектебіміздің аты берілген Ботабай Садықовтың ескерткіш бюстінің ашылу іс-шарасы өткізілді.
Аталмыш шарада қалалық кәсіподақ төрағасы Үсіпбеков Төлехан, Ботабай Садықовтың ұлы Садықов Пайзахмат, ардагер ұстаздар Ханходжаев Турсунходжа қажы, Ярметов Султанияз, “Жонубиі Қозоғистон” газетінің редакторы Моминжанов Зокиржон т.б қонақтар болды.
Патриоттық “Катюша”, “Сарбаздар” биі биленіп, “Атамекен” әні шырқалды.
Салтанатты түрде халық батырының ескерткіш бюсті ашылып, гүл шоқтары қойылды. Қонақтарымыз жылы лебіздерін білдіріп, Қамқоршылық кеңесі мен бірге ескерткіш бюстін жасауда ат салысқан демеушілерге "Алғыс хаттар" табысталды.
